УВЕР ЙОГЫН

Самырык-влак черетыште шогат

Марий Элыште самырык ава-влак кужу черетыште шогаш кумылан улыт, а илалше кова ден коча-шамыч чыла услуго дене Интернет гоч пайдаланат. 

Тыгай иктешлымашым статистике ыштен. Тений 9 тылзе жапыште Россий Пенсий фондыш республикысе олала ден районла гыч пенсийым палемдыме да тудым налме (кондымо) йӧным вашталтыме шотышто 25809 йодмаш пурен. Тыгодым 12384 пенсионер (48 процент) тидым Пенсий фондын сайтыштыже Гражданинын личный кабинетше гоч электрон йӧн дене ыштен. Ава капиталым налме (пуымо) да тудын дене пайдаланыме шотышто 6337 йодмаш пурен, тышечын 36,6 процентше гына – электрон йӧн дене.

Пенсий фондын дистанционно пуымо 40 наре услугыжым «Электрон улуго-влак» (www.es.pfrf.ru) ик порталыш ушымо. Тушто чыла услугым посна шеледыме, сайтыште регистрироватлалтше да регистрироватлалтдыме-влакымат шотыш налме. «Гражданинын личный кабинетышкыже» пурышашлан да персональный данныйым йодшо услуго-влак дене пайдаланышашлан кугыжаныш услугын сайтыштыже (Идентификацийын да аутентификацийын единый системышт) пеҥгыдемдыше учётный записьым ышташ кӱлеш.

М.ИВАНОВА.  

Опубликовать в Одноклассники

Добавить комментарий