Кужэҥер посёлкысо школышто самырык педагог-влакын «Образовательный процессыште у технологий-влак» районысо семинарышт эртен.
Самырык туныктышо-влак М.Маковеева ден И.Константинова почмо урокым эртареныт. Руш йылме ден сылнымутым туныктышо, театр кружокым вуйлатыше Н.Подлипскаян, «Мечта» ансамбльын музыкальный вуйлатышыже С.Ванцован да 8а кадет классым вуйлатыше Е.Казакован ямдылыме «Аван шӱмжӧ» литературно-музыкальный композицийышт кажнын шӱм-чонжым тарватен.
А вара самырык педагог-влакын методический ушемыштым вуйлатыше М.Горинова тунемше-влаклан сай шинчымашым пуаш полшышо IT технологийын пайдаж дене палдарен.
Семинар районысо самырык чыла педагоглан келшен.
М.ИВАНОВА.
