УВЕР ЙОГЫН

У ий кожым тений кушко шогалтат?

«Йошкар-Ола»» ола округын администрацийыштыже тений У ий кожым кушко вераҥдыме шотышто мутланымаш лийын. Тидын деч ончыч, Интернет йӧн дене пайдаланен, «Вконтакте» социальный сетьыште йодыштмаш эртаралтын. 

Шке шонымашыжым арня жапыште рӱдолаште илыше 6207 еҥ возен колтен. Тышеч 3174 еҥже «У ий кож молгунамсе семынак Ленин лӱмеш площадьыште шогышаш» возен, Патриарший площадьыш вераҥдаш кӱлмӧ нерген 3033 еҥ каласен. Мо, оҥайже, кокымшыжым тӱҥ шотышто пӧръеҥ-влак темленыт — тидыже мо дене кылдалтын, мужедаш гына кодеш.

Тылеч посна еҥ-влак У ий пайремым эртарыме шотышто ятыр темлымашым пуэныт. Оласе администрацийын пашаеҥже-влак йодыштмашыш ушнышо-шамычлан кугу таум ойла. Тенийсе У ий кожым ондаксе семынак рӱдолан тӱҥ площадьыштыже вераҥдат.

Г.Кожевникова  

Опубликовать в Одноклассники

Добавить комментарий