УВЕР ЙОГЫН

Самырык кидмастар-влак ӧрыктареныт

13 октябрьыште Киров олаште «МастерОК» йоча прикладной творчестве окружной выставкын финалистше-влакым саламленыт. 

Юл кундем федерал округысо чыла регионласе йоча пӧрт ден школ-интернатла гыч 60 ӱдыр-рвезе диплом да шарнымашан пӧлек дене палемдалтыныт.

Марий Эл Республикын делегацийже «Изящное исполнение и мастерство» номинацийыште сеҥышыш лектын. А ийготыш шудымо-влаклан «Журавушка» социально-реабилитационный рӱдерын воспитанникше, 10 ияш Далер Хасанов, «Ончышо-влакын симпатийышт» приз дене палемдалтын.

Выставкыш Марий Эл гыч чылаже 5 ӱдыр ден рвезе миен. Нуно Ача-аван полышыж деч посна кодшо икшыве-влаклан Волжскысо да Лӱльпан, тыгак «Журавушка» рӱдерла гыч лийыныт.   

Пытартыш кечын ӱдыр-рвезе-влаклан мастер-классым эртареныт. Усталык полатын педагогшо-влак пунемым, декупажым, оригамим, икмыняр молым ыштыме техникым ончыктеныт. Участник-шамычым концерт дене куандареныт. Программым Киров областьысе музыкальный да куштышо коллектив-влак ямдыленыт.

Тидын дене выставке мучашлалтын огыл. Самырык кидмастар-влакын пашаштым кумылан кажне еҥлан ончаш йӧн пуалтын. Выставке 23 октябрь марте шуйна.  

Л.Камалетдинова

Опубликовать в Одноклассники

Добавить комментарий