Мошенник-влакын еҥ-шамычым тӱрлӧ семын ондалымышт нерген чӱчкыдынак ойлалтеш гынат, кепшылышкышт логалше-влак огыт шагалем.
Шукерте огыл Звенигово олаште илыше 46 ияш ӱдырамаш тыгаяк азапыш верештын. Тудо ик ӱдырамашын мужед моштымыж нерген Интернет гоч пален налын да «полышыжлан» тений август гыч кызыт марте эҥертен. «Полышым» мужедше телефон дене пуэн. Тудо ӱдырамашлан шинчавочмым кораҥдаш сӧрен. Тиде пашажлан «мастар» кок тылзе жапыште 65 тӱжем теҥгем налын. Полышым пуымылан 200 тӱжем теҥгем йодмекышт гына ӱдырамаш полицийыш увертарен.
Тиде факт шотышто уголовный делам тарватеныт.
Л.Камалетдинова.
