Килемар районышто илыше 35 ияш ӱдырамаш ик банклан пӧртылтышаш кредит парымже улмо нерген вучыдымын пален налын да моткочак ӧрын, вет чынже дене тудо кредитым налын огыл!
Марий Эл МВД-н пресс-службыжын палдарымыж почеш, тений идалык тӱҥалтыште ӱдырамаш паспортшым йомдарен улмаш. Тудым Медведево районышто илыше 29 ияш ӱдырамаш уремыште муын. Ты документ дене пайдаланен, тудо ужгалан да икмыняр сото телефонлан кредитым оформитлен.
Ончыкыжым, нуным ужален, оксан лияш шонен. Преступленийым ыштымыжым умылен гынат, банклан оксам ӱдырамаш пӧртылташ шоненат огыл.
Л.Камалетдинова.
