КАЛАСЕ, "МАРИЙ ЭЛ"

Каласе, «Марий Эл»: Эн сай медицине тӧнеж

Республикыштына медицине тӧнеж-влакын пашаштым чарныде гаяк вурсат. Мый гын тидын дене йӧршынат ынем келше. Палынем ыле: але вара чыла медицине тӧнеж черле-влакым начарын эмла? 

Н.Сушенцова.
Медведево район.

Марий Элын Тазалыкым аралыме министерствыжын палемдымыж почеш, регионыштына 52 медицине тӧнеж медицине полышым яра пуымо кугыжаныш гарантийын территориальный программыжым шуктымашке ушнен. 2017 ийыште нине тӧнеж кокла гыч колыжлан зависитлалтдыме акым пуымо. Тиде – министерствын ведомствыштыжо улшо 14 организацийлан, исполнительный кучемын 2 федеральный органжылан да 4 частный медицине рӱдерлан.

Анкетированийыште участвоватлыше 5052 еҥ медицине тӧнеж-влакым икмыняр критерий почеш аклен. 96 процент пациент стационарын пашажым сайлан шотлен, амбулаторий 98 процент йӱкым поген.

2017 ийыште медицине тӧнеж-влакын рейтингыштым ыштыме. Амбулаторий кокла гыч Сарын ветеранже-влакын республикысе клинический госпитальышт, Кужэҥер районысо рӱдӧ эмлымвер, Вӱрым налме республикысе станций, Медведево районысо рӱдӧ эмлымвер эн шуко баллым погеныт. Пациент-влакым стационарыште сайын эмлымышт дене Кужэҥер районысо рӱдӧ эмлымвер, МВД-н медико-санитарный частьше, Медицине реабилитаций эмлымвер, Козьмодемьянскысе район-влак кокласе эмлымвер, Медведево районысо рӱдӧ эмлымвер ойыртемалтыныт.

М.ИВАНОВА.

Опубликовать в Одноклассники

Добавить комментарий