ФИНН-УГОР ТӰНЯ

Финн-угор тӱня:  Калык аралалт кодеш – кугыжаныш виян лиеш 

27-30 сентябрьыште Сыктывкарыште (Коми Республик) Россий Федерацийысе финн-угор калык-влакын (РФ АФУН) кудымшо погынышт эртен.  

Марий Эл гыч мийыше делегацийыште шымлызе, краевед, туныктышо, журналист, кугыжаныш да мер пашаеҥ, культурышто тыршыше, адвокат, пашадыме… Икманаш, марий мер пашам, тыгак финн-угор калык-влакын культурыштым, йылмыштым, йӱлаштым аралыме да вияҥдыме корным тӱрлӧ шӧрын гыч аклаш, вес шинчаончалтыш дене ужаш йӧн лийын. 

Пленар заседанийыште кажне калык деч мутым налше еҥ шочмо йылмыж дене (АФУН-ын погыныштыжо ончыч эре рушла йоҥген) ойлен. Тыгайже икымше гана лийын. Делегат-влак рушлаш кусарымым колыштыныт. 

Форумыш элнан 43 регионжо гыч 204 делегат миен. Марий Эл гыч лийыныт: РФ АФУН каҥашын еҥже – 3, делегат — 10, эксперт – 5, кидмастар – 2, мурызо – 2, книга выставке дене – 1. 

Погынышто сайленыт: РФ АФУН вуйлатыше – П.Тултаев (Саранск олан мэрже), вуйлатышын алмаштышыже – М.Васютин (Марий Эл правительстве вуйлатышын икымше алмаштышыже), Каҥаш — 47 еҥ (шымытынже — марий), Президиум – 16 еҥ (нылытынже — марий), Ревизионный комиссий – 3 еҥ (иктыже — марий). 

Кумданрак — «Марий Эл» газетын
2017 ий 7 октябрьыште лекше номерыштыже лудын кертыда.

Светлана Пехметова

Опубликовать в Одноклассники

Добавить комментарий