ЯЛОЗАНЛЫК

Ой-канаш: Теплицым шке погена

Пакчаш поликарбонат гыч ыштыме теплицым шындымаште икмыняр йӧн ден ойыртем улыт. Тидыже тудым мландыш але негызыш шындымым онча. Ты правилым чын шуктымеке, теплице ӱшанлын шинчеш, ончыкыжо пакчасаскам ончен куштымаште экшык ок лек. 

Шындаш ямдылалтына

Эн ончыч теплицым шындаш туныктышо инструкций дене палыме лийман. Тудын деке куштылгын логалаш лийже, тыгак участкын ойыртемжым шотыш налман. Рок пакчасаскам ончен кушташ йӧршӧ лийшаш. Шунан мланде келшен ок тол, тудо вӱдым куча, сандене кушкылыш шавыме годым уто вӱдыжгӧ погына.

Ошман рок утларак келшен толеш. Участкыштыда тудо уке гын, шкалан ышташ перна. Вынемым кӱнчаш, шаргӱ лончым шараш да ошма йӧре рокан «кӱпчыкым» ямдылаш логалеш.

Кече логалман верым ойырен налман. Пушеҥге але оралте ынышт ӱмылтӧ, мардеж коштшаш огыл. Тыгодымак нунын деч 3 метр деч тораштак шындаш ок темлалт. Поликарбонат пырдыжат чот йӱштӧ годым кылмен кертеш, сандене оралте ден пушеҥге мыняр-гынат аралат. 

Кумданрак — «Марий Эл» газетын
2017 ий 30 сентябрьыште лекше номерыштыже лудын кертыда.

А.АНДРЕЕВ ямдылен.

Опубликовать в Одноклассники

Добавить комментарий