СОЦИАЛЬНЫЙ ИЛЫШ

Тӱнямбал кӱкштыштӧ 11-13 мартыште Москваште «Интурмаркет-2017» тунямбал турист ончер эртен.

 Латкокымшо гана эртыше ты кугу форумыш Марий Элын кугурак туроператоржо, Йошкар-Оласе тоштер ден Туристско-информационный рӱдерын специалистше-влак миеныт. Делегацийым Марий Эл Республикын Туризм шотышто комитетше чумырен.

Тиде форум элыште туризм отрасльым вияҥден колтымаште кугу верым айла. Тушто у турпродукт-влаклан презентацийым эртарат, у кочкыш дене палдарат, шуко деловой конференций, вашлиймаш лиеда.

Российын 81 регионжо да 12 йот эл гыч участник-влак лийыныт. Тений выставкыш Марий Эл Правительстве Председательын алмаштышыже, тӱвыра, печать да калык-влакын пашашт шотышто министр Михаил Васютин, Кугыжаныш Думын депутатше Светлана Солнцева миеныт. Марий Элын экспозицийыштыже мемнан республик нерген шуко оҥайым пален налаш йӧн лийын: кушто да кузе сайын канаш, могай тӱвара да историй памятник уло. Сувенир продукцият ятыр темлалтын. Ончаш толшо-влаклан  «Теплая речка» трактирын, Шернур сыр заводын, «1-ше №-ан кинде завод» ООО-н  продукцийыштым тамлен ончаш темленыт.

С.Носова.

Снимкыште: марий делегацийын еҥже-влак выставке годым.

Опубликовать в Одноклассники