Шерге туныктышо, образований пашаеҥ-влак!
Педагогический пашан пагалыме ветеранже-влак!
Туныктышын тӱнямбал кечыж дене эн алал кумылын порын саламлымашым налза.
Тиде пайрем кечын мемнан кокла гыч кажнына уш-акылже дене шкенжын школыш коштмо ийлашке пӧртылеш, шкенжын икымше Туныктышыжым поснак йӧратыме, пагалыме да тауштымо кумыл дене шарналта. Шинчымашым веле огыл, шкеныштын шӱм-чон шокшыштым мыланна пуышо, еҥ-влакым ме лач тыге кугу буква дене возен шарналтена.
Еш дене пырля те личностьым шуарен куштеда, шкевуя шонкалаш, кӱлешан шонымашке шуаш, шке ойырен налмылан мутым кучаш туныктеда. Талантан, профессийлан ӱшанле улмыланда, йоча-влакым йӧратымыланда тау!
Тек тендан пашада тунемше-влакым куандара, нунын кумылыштым нӧлта да таушташ тарата. Тыланда тазалыкым, пиалым, ешыште чыла сайым, мучашдыме вий-куатым да волгыдо ончыкылыклан ӱшаным тыланем.
Пайрем дене, шерге туныктышо-влак!
Марий Эл Республикым Вуйлатыше А.А.Евстифеев
