УВЕР ЙОГЫН

Кодшо арняште Марий Элыште 12 пожар лийын

Марий Элысе МЧС-ын увертарымыж почеш, кодшо арняште республикыште 12 пожар лийын. Пелыже – Волжский районышто. Каныш кечылаште гына ты кундемыште ныл вере пожарым йӧрташ пернен. Арня мучко тул кок оралтым пытарен, ик еҥ эмганен. 

24 сентябрьыште эрдене Звенигово район Красногорский поселкышто пӧръеҥ деке унала толшо-влак пӧрткӧргӧ шикш дене теммым ужыныт. Малыше оза йымалныже матрас эҥмымат шижын огыл.

Уна-влак ӧрын шоген огытыл:  пӧръеҥым помыжалтеныт, уремыш шӱлалташ луктыныт, йӱлымӧ верыш вӱдым опталын, туллан шарлаш пуэн огытыл. Ӱжмышт почеш толшо пожарный-влак рашемденыт: оза тамакым шупшмыж годым тулым эскерен шуктен огыл.

А.АНДРЕЕВ

Опубликовать в Одноклассники

Добавить комментарий