УВЕР ЙОГЫН

Марий Элыш кок у автобус толын

Марий Элыш  тазалык шотышто начар еҥ-влаклан шинчаш келыштарыме кок автобусым кондымо. Нуным «Йӧнлӧ среда» ден «Еҥ-влаклан социальный полыш» программе-влак дене келшышын  налме. 

Марий Элын Промышленность, транспорт да корно озанлык министерствыжын увертарымыж почеш, инвалид пассажир-влакым шупшыкташ келыштарыме нине транспортым налаш 5 миллионат 100 тӱжем теҥгелан кугыжаныш контрактым тений июнь тӱҥалтыштак ыштыме лийын. Кок программе почешыжат окса федерельный ден республикын бюджетлашт гыч ойыралтын. Автобус-влак  инвалид коляске дене коштшо пассажир-шамычым шындаш да волташ лӱмын келыштарыме лапка площадкан да кидкучеман улыт. Остановко-влакым кугу йӱкан устройство увертара, тыгак ӱшанлылан «куржын» возалтше корнышто лудаш лиеш.

Тений августышто автобус-влакым Марий Элын «Автотранспорт компанийышкыже» пуымо. Иктыжым «Волжскысо пассажирым шупшыктымаш» ООО-лан еҥ-влакым район мучко шупшыкташ пуымо. Кокымшыжым Йошкар-Олаште кондыштараш «Пассажирым шупшыктымаш – ола» ООО-лан ойырымо.

А.АНДРЕЕВ.

Опубликовать в Одноклассники

Добавить комментарий