УВЕР ЙОГЫН

Изи Какшан серыште кафе ден сувенирым ужалыме павильон

Марий Элын туризм шотышто комитетыштыже вашлиймаш годым рӱдоласе уремлаште сувенирым ужалыме, кафе, каныме вер, фотозоно-влакым ешарен почмо нерген йодышым онченыт. Изи Какшан сер мучко «меценатский теҥгыл» манын лӱмдымӧ шинчыме вер-влак лийыт. 

Комитет вуйлатышын пашажым шуктышо Лидия Батюкован мутшо почеш, сувенирым ужалыме у вер-влак Патриарший ден Никонов площадьлаште, Благовещенский башне ден Архангельский слобода, тыгак «Тарелке» кафе ден Г.Константинов лӱмеш Академический руш драма театр коклаште поснак кӱлыт.

Моло регионысо опытым шотыш налын, йыргешке витринан кафе-теремок-влакым почаш уто огыл. Тушто тӱрлӧ мелнам кӱэшташ да калыкым шокшынек сийлаш лиеш. Вашлиймаште тыгак олаште илыше-влаклан каналтен шинчашышт да олан сылне вержым ончен чоным кандарашышт ойыртемалтшын сӧрастарыме теҥгыл-влакым сер мучко шындылаш кӱлмӧ нерген шонымашым каласеныт.

А.Андреев

Опубликовать в Одноклассники

Добавить комментарий