3 сентябрьыште Пермьыште тӱнямбал кӱкшытан марафон лийын. Тӱҥ старт деч посна участник-влаклан пелемарафон да моло кужытыштат вийым тергаш йӧн пуалтын.
– Корно пеш неле ыле. 42 километрат 195 метрым куржмо. Лу километр дене ныл йырым эртыме. Кугурак ийготанлан эшеат йӧсӧ лийын. Куд тӱжем участник куржталме корныш лектын. Тиде гана чылалан 30 километрым палемдыме жапыште эртыман ыле. От шукто – кораҥдат, результатет зачётыш ок кай. Шукынжо тыге «лектын возыныт». Мый эртенам, – каласкала Римма Алексеевна.
Мыйым верысе «Аэлита» клуб ӱжын. Организаций келшен. Канаде, Германий, Грузий гыч лийыныт, чылаже 13 эл гыч толыныт. Мый Перьмыште кокымшо гана таҥасенам. Комментатор Дмитрий Губерниевын вўдымыжє келшен. Номеремже 346 ыле. Оҥай, садет «Айста 346-шо №-анлан совым кырена» манын кычкырен.
Унагудысо ик кугу пӧлемыште шкет иленам. Туштат келшен. Тӱҥ шотышто тиде чылажат илышыш шкешотан ойыртемым пуртен. Куржталме деч посна ты гана пеш сайын каненам, манынат кертам.
Римма Алексеевна шке ийготанже-влак коклаште икымше верым налын. Тудлан шуко пӧлек ден сертификатым кучыктеныт.
Е.Эшкинина.
Снимкыште: Р.Пальцева «Арена» манежыште.
