Марий Эл Республикысе Гигиене да эпидемиологий рӱдерлан 15 сентябрьыште 95 ий темеш.
Шукерте огыл рӱдер юбилейжылан пӧлеклалтше художественный номер смотр-конкурсым эртарен. Тушто ойыртемалтше ныл номерым Москвашке Роспотребнадзорын увертарыме смотр-конкурсышкыжо дискыш войзен колтен. Ныл номер гыч кумытшо – марла: «Ой, луй модеш, луй модеш!» куштымаш, марий калык муро, марий такмак-влак.
Рӱдерым вуйлатыше Сергей Бастраковын шонымыж почеш, Роспотребнадзорын эртарыме смотр-конкурсыштыжо сеҥыше-влак радамыш логалаш ӱшан уло.
М.ИВАНОВА.
