УВЕР ЙОГЫН

Тылзе туткар дене тӱҥалын

1 гыч 2 сентябрь йӱдым Параньга районысо Руш Ляжмарий ялыште, Заречный уремыште, 8 пачеран пӧрт йӱлен.

Тулышто кок еҥ: 1954 ийыште шочшо пачер оза ден ты уремыштак илыше 40 ияш ӱдырамаш унаже — колен.

Пожар шагалрак лийже манын, республикыште верысе самоуправлений орган-влак ден пожар охране пашаеҥ-влак шуко пачеран пӧртлаште профилактике пашам эртараш тӱҥалыт. Нуно лӱдыкшым кораҥдаш, пожар годым мом ышташ кӱлмӧ да моло нерген каласкалат.   

Параньга район администраций вуйлатыше Альфит Ибраевын палдарымыж почещ, азапыш логалше йӱлышӧ еш-влаклан полшаш муниципал образованийыште ӱзгар ден арверым погаш тӱҥалыныт. Тидын дене пырля кажне ешлан республикысе бюджет гыч 15 тӱжем теҥге ойыралтеш.

Шукынжо тиде пӧртысӧ пачерлаште илен огытыл, сандене пожар годымат лийын огытыл. А кок еш жаплан родышт деке илаш куснен.

Республикын кучемже тиде йодышым контрольышто куча.

Л.Камалетдинова.

Опубликовать в Одноклассники

Добавить комментарий