Теве тыге маналтеш Шернурысо А.Ф.Конаков лӱмеш музей-выставке комплексыште улшо экспозиций. Тушто каче ден ӱдырын тӱрлӧ жапысе да тӱрлӧ калыкын сӱан вургемышт, тиде кечылан келшыше предмет-влак ончыкталтыныт.
Мутлан, ӱдырвуч. Ожнысо марий йӱла почеш тудын йӱкшӧ ӱдырын марлан каяш ямде улмыж нерген увертарен. Тыгак тушто марий калыкын молосемӱзгаржым (шӱвыр, тӱмыр), сӱаныште кучылталтше сӧрастарымашым, салфеткым, ӱстембалшовычым ужаш лиеш, татар вургемат уло.
Выставкыште сӱаныште кучылталтше тамга (символике) нергенат пален налаш лиеш. Экспозиций-влак эреак ешаралтыт. Шукерте огыл тошто да тачысе кечын войзалтме фотографий-влакым конденыт.
Выставкым сентябрь мучаш марте ончаш лиеш.
Л.Тетерина.
Ончыко лектыныт
Российын паша да социальный аралымаш министерствыж ден неле илыш ситуацийыш логалше йоча-влаклан полышым пуышо фонд всероссийский конкурсым эртареныт. Тудо вич номинацийлан шелалтын: «Шуко икшыван еш», «Самырык еш», «Ялысе еш», «Российын шӧртньӧ ешыже», «Йӱлам аралыше еш».
Марий Элын чапшым Шернур район гыч «Успешная семья Приволжья-2017» визымше окружной фестиваль-конкурсышто икымше верым налше Шабдаровмыт еш арален да «Идалыкын ешыже» всероссийский конкурсышто «Шуко шочшан еш» номинацийыште икымше верыш лектын.
Е.Эшкинина.
