СОЦИАЛЬНЫЙ ИЛЫШ УВЕР ЙОГЫН

Инвалидлан — паша верым

   Тений талук тӱҥалтыш гыч Марий Элын калыклан паша да пашавер департаментшын  верласе занятость рӱдерлашкыже 546 инвалид пашам муын пуаш йодын толын, нунын кокла гыч шӱдӧ нарыжын йодмыштым шуктымо. Нуно общественный пашаште тыршеныт, ик инвалид профессийым налын. Пашам кычалше семын учетышто кызыт 400 наре еҥ шотлалтеш.

Департаментын данныйже почеш, август кыдаллан инвалид-шамычым пашаш вераҥдаш 782 пашам пуышын 1365 верже лийын. Нунын дене квото кӱшеш 1120 еҥ тырша, тышеч 190 нарыже — инвалидлан лӱмын ямдылыме верыште. Тачысе кечылан 167 вакансий уло.

Верласе пашавер рӱдер-влак инвалид-шамычым пашаш вераҥдыме шотышто кече еда могай-гынат предприятий, организаций, учреждений вуйлатыше-влак дене вашлийыт. Мутлан, Йошкар-Оласе пашавер рӱдерын специалистше-влак августышто пашам пуышо 80 наре вуйлатыше дене школым да вузым тунем пытарыше ден инвалидым нунылан келшыше да вийлык пашаш вераҥдыме шотышто вашлийын мутланеныт. Медведево рӱдерын инспекторжо-влак 67, Вожскысо специалист-влак 21 вере вашлийыныт, молат.

Инвалид-влаклан улшо вакансий нерген пашавер рӱдерлаште гына огыл, тыгак «Работа в России» порталыште www.trudvsem.ru адрес дене пален налаш лиеш. Ты разделыште инвалид-шамычлан пуымо социальный услуго да тудым оформитлыме правил ончыкталтыныт, тыгак инвалидым ончышо еҥын кугыжаныш велым пуымо могай полышым налын кертмыж нерген увер уло.

А.АНДРЕЕВ.

 

Опубликовать в Одноклассники

Добавить комментарий