УВЕР ЙОГЫН

Иквереш шукырак ышташ лиеш

15 августышто Марий Элын профобъединенийжын заседаний залыштыже Марий Эл Кугыжаныш Погынын верыш лектын эртарыме 81-ше заседанийже лийын.

Погынышо-влак эн ончычак Йошкар-Оласе йоча эмлымверын шукерте огыл илыш гыч кайыше тӱҥ врачшым, Лелия Соколовам, ик тат шып шоген шарналтеныт. Тылеч вара «Депутат деч – книга пӧлек» акцийым, эртыше 28 сессийын пашажым иктешленыт, черетан сессийым 28 сентябрьлан чумыраш решенийым луктыныт. Тыгак еҥ-влаклан врач деке приемыш кугыжаныш услуго портал гоч гына логалаш лийме, ондалалтше дольщик-влакын праваштым аралыме, икмыняр моло тургыжландарыше йодышым каҥашеныт.  

            * * *

Тиде кечынак Марий Эл Республикын Кугыжаныш Погынжын президиумжо ден «Марий Эл Республикын профсоюз организацийже-влакын объединенийышт» ушемын президиумжо заседанийым иквереш эртареныт.

Тудо эртыше идалыкыште пырля ышташ палемдыме программыштын илышыш кузе пурталтмыштлан пӧлеклалтын. Тидын нерген республикысе профобъединенийын председательже О.Цветкова каласкален. Тудо пашам пырля ыштымылан кӧра республикыште илыше калыклан ятыр кӱлешан йодышым рашемдаш йӧн улмым палемден. Пашам пырля ыштымын лектышыжлан акым пуымо дене пырля Кугыжаныш Погын председатель Ю.Минаков ден заседанийын моло участникше ончыкылыклан шонымашыштымат каласеныт.

Л.Камалетдинова.

Опубликовать в Одноклассники

Добавить комментарий