УВЕР ЙОГЫН ЭКОНОМИКЕ

Кушкыжо шукырак, кушкыжо шотшылан

Марий Элыште талук тӱҥалтыш гыч социальный сфере ден экономикым вияҥдышашлан 8 миллиард утла теҥгем ойырымо. Тидыже кодшо ийысе икымше пелий дене таҥастарымаште 33 процентлан шагалрак.

Маристатын моло данныйже почеш, пӧртым да моло тӱрлӧ илыме верым, пӧлемлам чоҥымо пашаш кум миллиардат 27,8 миллион, зданий ден сооруженийлам нӧлташ кок миллиардат 647  миллион теҥге оксам пыштыме.

Машинам, транспорт средствым, оборудованийым, инвентарьым налаш кок миллиардат 172 миллион теҥге каен. Уш-акыл дене ыштыме пашан пайдалыкшым нӧлталаш ончычсо семынак эн шагал, кодшо 33,2 миллион теҥгем колтымо.

Илаш келыштарыме зданийлам чоҥымашке эн шуко, чумыр тӱҥ капиталыш инвестицийын 37 процентше утлам, пыштыме.

А.АНДРЕЕВ.

Опубликовать в Одноклассники

Добавить комментарий