Йошкар-Олаште троллейбус транспортым вияҥдыме у муниципальный программым илышыш пурташ шонат. Тудо «2017-2018 ийлан «Йошкар-Ола» ола округышто мландывалне коштшо тӱшкан пайдаланыме электрический транспортым вияҥдымаш» маналтеш.
Программыште тӱҥжылан теве мом налме. Электротранспортым кучаш окса ситышын ойыралтшаш. Электроэнергийлан роскот ужашыжлан компенсаций лиеш, троллейбус дене кудалмылан тӱлымӧ автоматизироватлыме системе шыҥдаралтеш. Маршрут икмыняр шагалемеш, тӱшкан пайдаланыме транспорт шогалме вереш пассажирлан кӱлешан увер-влак вераҥдалтыт. «Глонасс» спутник навигаций системе негызеш транспорт дене калыкым шупшыктымым тергыше-эскерыше йӧн пурталтеш. У троллейбус линий-влак ышталтыт да улшыжо уэмдалтыт, у троллейбус-влакым налаш палемдалтеш.
Ты программе дене келшышын, «Троллейбус транспорт» муниципал предприятий убытке деч посна ышташ тӱҥалшаш, пассажирым шупшыктымо паша, тидын шотыштак лӱдыкшыдымылыкым ыштыме сомыл, ятырлан саемшаш. Тыгак экологически яндар транспорт дене калык утларак пайдаланыже манын, шуко моло мер ыштыме лиеш.
Куштылемдат
Рӱдолаштына коштын кертдыме, коляске дене пайдаланыше инвалид-влаклан тӱшкан пайдаланыме транспорт дене кудалышташ посна графикым ыштыме нерген каласенна ыле.
Мэрийын пресс-службыжын увертарымыж почеш, «Троллейбус транспорт» МП ты категорийыш пурышо пассажир-влакым 2-шо №-ан маршрут дене 291-ше номеран, 10-шо №-ан маршрут дене 293-ше номеран, 11-ше №-ан маршрут дене 292-шо номеран троллейбус-шамыч шупшыктат. Кудалыштме расписаний кече еда пашалан наряд дене келшышын ышталтеш. Ешартыш уверым предприятийын рӱдӧ диспетчер службыштыжо 42-22-93, тыгак расписаний шотышто техник деч 42-37-33 номеран телефонлаш йыҥгыртен палан налаш лиеш.
Автобус-влак кок корно дене шупшыктат: 7-ше №-ан «Вокзал — Новый лесхоз» маршрут дене вокзал гыч тыгай жапыште тарвана: 06:00, 06:40, 07:25, 08:05, 10:40, 12:00, 14:00, 15:45, 16:25, 17:05, 17:45, 18:25, 19:05, 19:45.
У лесхоз гыч тарваныме жап: 06:20, 07:00, 07:45, 08:25, 11:00, 12:20, 14:20, 16:05, 16:45, 17:25, 18:05, 18:45, 19:25, 20:05.
3-шо №-ан автобус 7 август гыч Прохоров урем гыч Туруново мартетыгай расписаний почеш кошташ тӱҥалеш:
Прохоров урем гыч: 6:00, 6:50, 7:50, 8:45, 11:00, 12:00, 14:20, 15:20, 16:50, 17:10; 17:40.
Туруново гыч: 6:50, 7:50, 9:00, 9:55, 12:05, 12:55, 15:30, 16:20, 18:00, 18:20; 18:50.
А.АНДРЕЕВ.
