17 июльышто Марий Элым вуйлатышын пашажым жаплан шуктышо А.Евстифеев Марий Эл Республикын экономикыште вияҥмаш да торговльо министржылан Д.Пугачевым шогалтен.
Дмитрий Пугачевлан 38 ий. Москвасе М.В.Ломоносов лӱмеш вичкыж химий технологий кугыжаныш академийым «нефтехимический синтез ден искусственный вишкыде топливо» да «менеджмент» специальностьла дене тунем лектын.
Паша корным 2001 ийыште нефтехимический производство управленийыште тӱҥалын, Холдингын «Сибур-Нефтехим» ОАО дене пашажым виктарен. 2002 ий июль гыч 2008 ий ноябрь марте «Ай Прайз» компаний группышто тыршен, Холдингын Торгово-промышленный подразделенийжын производственный управленийжын специалистше гыч тӱҥалын Нижнекамск оласе «Нижнекамскнефтехим-Дивинил» ООО-н директоржын коммерческий йодыш дене алмаштыже, Саратовысо «Саратовский Фенол» ООО-н исполнительный директоржо марте кушкын.
2008-2009 ийлаште Россий Минрегионын инвестиций проект-влак департамент директоржын алмаштышыжлан ыштен. 2009 ий ноябрь гыч 2015 ий май марте Москвасе «Транснефть» системысе организацийлаште инвестиционный проектлам шуктышо икмыняр отделым вуйлатен.
Ешан. Кум йочаже уло.
А.АНДРЕЕВ.
(Марий Эл Республикым вуйлатышын мер кыл да увер управленийже).
