Кундемнам вияҥдена
Шке огыл гын кӧ
Республикысе кучем верысе инициативе негызеш муниципальный образований-влакын кундемыштым вияҥдыме программым пӧртылтеныт. Шернур, Медведево, Курыкмарий ден Килемар район-влак конкурсыш шке проектыштым темленыт. Кызытеш муниципалитетла гыч 6 йодмаш пурен.
Тений верысе инициативе-шамычлан полыш шотышто проектым илышыш пурташ республикын бюджетше гыч 30 миллион теҥгем ойыраш палемдалтеш. Муниципалитетын бюджетше гыч софинансирований лиеш гын, чумыр проектын акше гыч вич процент субсидий пуалтеш. Проектлан оксам еҥ-влак, тыгак юридический лицо-влак пуэн кертыт.
Верысе инициативылан полшымо шот дене тыгай мероприятий 2014 ий гыч эртаралтеш.Тунам ойырен налме конкурсышто республикын чыла ола ден районысо илемлаже участвоватлен. Кум ий жапыште конкурсыш 327 заявке пурен. Проект кӱшеш 154 объектым пашаш колтымо але тӱзатыме. Нунын коклаште 55 автомобиль корно (олмыктымо пашат пура), 37 йоча площадке, спорт, культур объект, тӱшкан каныме вер да молат улыт. Кум ий жапыште 135,3 миллион теҥгем кучылтмо. Республикын бюджетше гыч ойырымо субсидий 101,3 миллион теҥге лийын.
А.АНДРЕЕВ.
