КАЛАСЕ, "МАРИЙ ЭЛ"

Ночко игечым ончыде

Такше яллаште кормам ямдылыме паша июнь кыдалне тўҥалеш. Но тенийсе йўран кеҥеж кугу вашталтышым пуртен, сандене озанлыклаште тудым ятырлан почеш кодын, июльын кокымшо лу кечыштыже веле шапашлаш тўҥалыныт. Сандене чапле кормам ямдылаш чыла вийым да йєным ушыман.

Лач тидыжым Морко районысо «Знамя» озанлыкыште сайын умылат да вуйым огыт саке. 123 вуй ушкаллан 200 тонн шудым, 700 тонн сенажым, 800 тонн силосым тўрыс шапашлаш сай игечын кажне шагатшым пайдалын кучылташ тыршат.

Чумыр технике манаш лиеш шудо пасуш лектын, механизатор-влак бригаде кыртмен ышта. «Волга-2» агрегат дене шудым В.Андреев, Д.Павлов, С.Иванов солат. Тыгыдемдыме ужар массым М.Васильев, Ю.Егоров, Д.Титов, В.Иванов, Ю.Яковлев, В.Новиков шупшыктат. Р.Васильев ден В.Иванов тудым аралыме верыште лаптыртат.

Опубликовать в Одноклассники

Добавить комментарий