Шорык
Тыланда тиде арнян ончылык дене кылдалтше ала-могай моткочак кӱлешан решенийым приниматлашда логалеш. Ешан да икшыван-влак пӱрымашлан чыла тиде улмылан пачаш-пачаш таушташ тӱҥалыт, очыни, вет тидлан кугу амал лектеш.
Презе
Шкет еҥ-влак у шӱмбел дене палыме лийын кертыт. Тиде кыл кужун шуйна да ончыкыжым те эсогыл ешым чумыреда докан. Каныш кечылаште мӧҥгыштӧ шинчаш ида тырше. Иктаж-кушко миен толза але родыда, йолташда-влак деке унала кайыза.
Йыгыр
Тыланда окса дене кылдалтше йодышлан кугу тӱткышым ойырыман. Тиде арнян шийвундыда ешаралтшаш. Шкендам у сату дене, мутлан, шӧртньӧ сӧрастарыш дене, куандарен кертыда. Тазалыкда пеҥгыдемеш. Еҥ-влак дене тыматле лийза.
Рак
Кӧн шкан акше ӱлыкшӧ, тудлан тиде арнян ты экшыкым кораҥдаш тӱҥалаш темлалтеш. Утларак жапым шинчымашым нӧлташ ойырыман, таҥасымаш ден конкурслашке ушныман. Тыге те ала-мо шотышто весе-влак деч сайрак улмыдам умылен кертыда.
Лев
Лишыл еҥда, родыда, ача-авада дене кыл локтылалт кертеш. Тидыже нунын тендан ала-могай шонымашдам сайлан шотлыдымыштлан кӧра лиеш, очыни. Но иктешлымашым ышташ ида вашке. Лучо утларак жапым чылажымат эше ик гана сайын аклаш ойырыза.
Ӱдыр
Тиде арнян шуко еҥ дене мутланаш тӱҥалыда. Самырык ӱдыр-рвезе-шамычлан клублашке, пайрем каслашке, моло мероприятийыш миен толаш темлалтеш. Туштак те у еҥ дене палыме лийын кретыда. Но тудлан чондам вигак почаш ида вашке.
Виса
Тыланда шӱдыр-влак тиде арнян шке ончылно кугу задачым шындаш да тушко шуаш тыршаш темлат. Пашаште карьер тошкалтыш дене кӱзаш йӧн лектеш. Воктеныда улшо-влак дене ӱчашымашке ушныман огыл. Йолташ-шамыч дене жапым шагалрак эртарыман.
Скорпион
Тиде арнян те вий-куатдам кушко да кузе кучылтшаш шотышто вуйдам пудыратылаш тӱҥалыда. Йот йылмым писын тунем кертыда. У шинчымашым налашат куштылгырак лиеш. Вуйлатышын шылтален ойлымыжлан утыжым ида ӧпкелалт, шкендам тыматлын кучаш тыршыза.
Пикшызе
Окса дене кылдалтше йодышым рашемдаш келшыше жап. У еҥ-влак дене палыме лийын кертыда. Тиде кыл кужун шуйнаш тӱҥалеш. Тунемше ден студент-влакын нелылык лектеш, очыни. Тидыже занятийым кодымылан, дисциплиным пудыртымылан кӧра лиеш.
Ирказа
Ешан-влакым пиалан арня вуча. Пелашда кумылдам нӧлташ, тӱрлӧ семын куандараш тыршаш тӱҥалеш. Тиде жапыште иктаж-кушко пырля миен толын кертыда. Йӧратыше-влаклан официально мужыраҥаш келшыше жап. Корнышто тӱткӧ лийман.
Вӱд йоктарыше
Тазалыкда тургыжланымашым огеш лук гынат, тудым пеҥгыдемдаш кӱлмӧ нерген садак мондыман огыл. Пашаште чыла сомылым куштылгын да жапыштыже ыштен шуктеда. Тыгодым ешыште пелашдан койыш-шоктышыж ден шонымашыжым умылаш нелырак лиеш.
Кол
Тендан пашада утларак ушнаш тӱҥалеш. Тыгак йӧратыме сомылдаланат жапым утларак ойырен кертыда. Йӧратыше мужыр-влакым куанле арня вуча. Тыланда ятыр комплиментым ойлат. Икшывыда-влак дене кылат кумылдам нӧлташ тӱналеш.
Л.КАМАЛЕТДИНОВА