Козьмодемьянск гыч Аня Аксакова Икымше Тӱнямбал йоча инклюзив усталык модмаште сеҥышыш лектын.
Ӱдыр 6-шо классыште тунемеш. Жюри тудын «Многих лет, дорогая Россия» почеламутшым «Авторство» номинацийыште кӱкшын аклен да 2-шо вер дене палемден. Модмаш Хабаровск олаште эртаралтын, тушко ушнышо-влак сымыктышын кандаш видше дене 29 номинацийыште таҥасеныт.
Аня почеламутым воза, мура. «Уникальные люди» всероссийский форум-фестивальыште, «Гусельки» республиканский йоча усталык инклюзив фестивальыште I степенян дипломант лийын. Почеламутшым Марий Эл Республикын Калык илышым вияҥдыме шотышто министерствын сайтыштыже лудын кертыда.
Л.СЕМЕНОВА
Фотом Марий Эл Республикын Калык илышым вияҥдыме шотышто министерствын сайтше гыч налме