УВЕР ЙОГЫН

Эше 258 еҥ полшаш каен

23 августышто лӱшкышӧ пожарым йӧрташ полшаш 258 доброволец каен.

Кӧн тыгай кумылжо уло гын, теат ушнен кертыда. Тидым интернетыште лӱмынак почмо «Добровольцы ЧС» чат-бот гоч ышташ лиеш. Тудын адресше тыгай: @fire12_bot. Тыгак 112 да 64-16-63 телефон номерлашке йыҥгырташ темлалтеш.

Полшаш кумылан-влаклан йӧнан вургемым чийыман, пелен вӱдым да кочкаш изишак налаш келшен толеш. Тыгак чодыраште пашам ышташ перчатке, кольмо але товар лиеш гын, уто огыл. Кеч, кузе Йошкар-Ола администрацийыште палемденыт, пожар йӧртымӧ верыште чылажат ситышын уло.

Л.Камалетдинова.

 

Опубликовать в Одноклассники

Добавить комментарий