Статистике
Медицине: теҥгече, таче да эрла
Российыште Медицине пашаеҥ-влакын кечыштым 1980 ий гыч июньын кумшо рушарнянже палемдат. Тиде – врач, медсестра, лаборант, санитар да моло медицине пашаеҥ-влакын профессиональный пайремышт.
2016 ийыште Марий Элыште 29 эмлымвер, 148 амбулаторно-поликлинический организаций, 203 фельдшер-акушер пункт пашам ыштен.
Кодшо ий мучаште медицине организацийлаште 7201 койко лийын, ты чот гыч 897 койко йоча-влаклан палемдалтын, 321 койко – мӱшкыран да азам ыштыше ӱдырамаш-шамычлан, 1484 койко – кечывал стационарлан. Идалык мучко ик койкышто 95 еҥ киен.
Марий Эл Республикын медицине организацийже-влак (2016 ий мучашлан)
| 1980 | 1990 | 2000 | 2012 | 2013 | 2014 | 2015 | 2016 | |
| Эмлымвер чот, единице | 86 | 87 | 66 | 31 | 31 | 30 | 30 | 29 |
| Койко чот, единице | 9012 | 10635 | 9328 | 8224 | 8130 | 8042 | 7717 | 7201 |
| 10 000 еҥлан шотлымаште койко чот | 128,3 | 140,8 | 126,2 | 119,1 | 118,1 | 116,8 | 112,5 | 105,2 |
2016 ийыште регионышто 2,4 тӱжем утла врач пашам ыштен, кажныжлан 281 пациентым эмлаш логалын.
Марий Эл Республикын медицине кадрже (2016 ий мучашлан)
| 1980 | 1990 | 2000 | 2012 | 2013 | 2014 | 2015 | 2016 | |
| Чыла специальностян врач чот, айдеме | 2020 | 2652 | 2540 | 2397 | 2412 | 2395 | 2384 | 2437 |
| 10 000 еҥлан | 28,5 | 35,1 | 34,4 | 34,7 | 35,0 | 34,8 | 34,8 | 35,6 |
| Кокла медицине персоналын чотшо, тӱжем еҥ | 6,6 | 8,9 | 8,7 | 8,0 | 7,8 | 7,5 | 7,3 | 7,2 |
| 10 000 еҥлан | 93,7 | 117,2 | 117,4 | 115,8 | 113,3 | 109,7 | 105,9 | 105,1 |
2016 ийыште врач-влак 6,8 млн. пациентым приниматленыт, 2015 ийыште – 6,7 млн. еҥым. Республикыште илыше ик еҥ кокла шот дене врачын 10 приёмжо лийын.
Кодшо ийын сутка мучко пашам ыштыше стационарлашке 143,9 тӱжем пациентым пыштыме, йоча-влаклан ойырымо койылашке – 26,4 тӱжем икшывым. Чылаже 66 тӱжем операцийым ыштыме, 2015 ийыште – 58 тӱжемым.
М.ИВАНОВА.
