Футбол дене Марий Эл первенствын икымше лигыштыже модшо «ЗПП» ден Медведево район Азаново села гыч «Азаново» команде-влак ик семынракак модыт: икымшыже турнир таблицыште куд тур деч вара кокымшо, азановец-влак кумшо верыште улыт. Азаново гыч команде шке полештыже Параньга гыч «Олимпиклан» 0:3 счет дене сеҥалтмыж деч вара шўлышым налын кертын. У Торъялыште верысе «1 Мая» командым 3:2 счет дене сеҥен толмекыже, кодшо рушарнян шке полештыже «ЗПП» деч 4:3 счет дене модын нале. Азановец-шамычын первенствым сайын мучашлаш ўшанышт уло.
Тидым пытартыш модмашат пеҥгыдемдыш. Икымше тайым тўҥалтыштак, чулымын атакыш тарванен, кумшо минутыштак счетым почыч. Икымше тайм мучко заводчан-шамычлан шўлалташ эрыкым ышт пу: мучаш марте 3:1 счет дене ончылно лийыч. Пуртымо кумшо мечыже автогол семын лие да чылаланат: модшо-влакланат, ончышо-шамычланат — вучыдымо ыле. Оза-влак капка лишке кондымо мечым икте-весылан пуэн, коктынат йолышт гыч мучыштарышт, тудыжо, шке семынже пєрдын, вратарь деч кораҥын, заводчан-влакын футболистшын йолышкыжо логале да, шогалде, ласкан гына капка лукыш пурен возо. Тыге ик мечым шкештак «пєлеклышт» манаш лиеш.
Кокымшо тайм икымше семынак пўсын эртыш. Тыште «ЗПП» командын футболистще-влак чулымрак ыльыч. Нуно кок мечым пуртышт, а оза-влак эше иктым чыкалтышт да модын нальыч. 3:4 счет уда огыл.
Ялысе командын мучаш марте шогаш кумылжым болельщик-влак нєлтышт. Нунышт шке командыштлан полшаш шонен кычкырымышт дене футболист-влакым атакыш ылыжтенак шогеныт. Шке дене пырдыжшат полша манмашке эше ончышо-влакын чон йулен кумыландымыштым ушыман. Нуно кажне модмашке изижат-кугужат, илалшыжат тўшкан лектыт.
А.АНДРЕЕВ.
Снимкылаште: «Азаново» командын капкаж ончылно пўсє тат: вратарь верыштыже ыле; (2433) «ЗПП» командын капкашкыже автогол тыге пурен. (2426)
Авторын фотожо.