24-27 июньышто эртыше «Кеҥеж сылнымутчо» семинар кышкарыште Марий Элысе тӱвыра да келшымаш шотышто регионысо «ВийАр» мер ушем вич уста еҥлан премийым кучыктен.
Сылнымут аланыште «Чыла сай лиеш» аудиокнигам ямдымылымылан лауреат лӱмым прозаик Анжела Михайлова сулен налын. Тале режиссёр семын Надежда Степанова палемдалтын. Тудын «Куку – кайык» киножым кӱкшын акленыт. Театрыште тыршыше кокла гыч Марий самырык театрын артистше Андрей Алексеев «Life mist go on» ден «Ир мӱкшигын мурыжо» спектакльлаште модмыжлан да М.Шкетан лӱмеш Марий национальный драмтеатрын артистше Иван Соловьёв «Ший пампалче» мюзиклыште Гурийын, «Маринафт-влак» спектакльлаште Ньо-Ньокын образыштым чоҥымыжлан шийвундым кучыктеныт. Ковыжым да тӧтыретпучым ыштымыже, «У еҥ» группылан муро да сем аршашым дене Марий кугыжаныш филармонийын артистше Иван Каменщиков ойыртемалтын.
Шергакан йолташна-влак, вес гана конкурсыш ат ушнен кертыда. Вет тудо поро йӱла семын ончыкыжымат эртаралташ тӱҥалеш. А икымше гана сеҥыше-влакым шокшын саламлена. Тек пашада тӱвыргӧ лектышан лиеш.
О. МОШКИНА
