«МАРИЙ ЭЛ» ТАЧЕ

Шӱкшакым ойыркалена гына…

 

Марий Элыште шӱкшакым йӱлалтыме завод огеш лий.

Лишыл жапыште Марий Элыште шӱкшакым сортироватлыме ныл у комплексым чоҥат да иктым уэмден олмыктат.  Регионын Пӱртӱс поянлык, экологий да йырым-йырысе средам аралыме минисерствыжын увертарымыж  почеш, у тыгай комплекс Волжскышто, Козьмодемьянскыште, Шернурышто ышталтыт. А теве Йошкар-Олаште тудым олмыктат да пеленже компостироватлыме площадкым чонат.

Пытартыш жапыште регионышто шӱкшакым йӱлалтыме заводым ыштыме нерен шомак коштеш, итернетыштат ӱчашымаш тарванен. Тидын шотышто умылтарымашым Пӱртӱс поянлык, экологий да йырым-йырысе средам аралыме шотышто министрАлексей Киселев умылтарымашым пуэн:

— Шӱкшакым сортироватлыме комплекс ден шӱшкакым йӱлалтыме завод -влак – кок умылымаш, йӧршеш тӱрлӧ улыт, нуным лугкалаш огеш кӱл. Сортироватлыме годым шӱкшакым пайдале фракцийлан ойыркалат. Мутлан, Йошкар-Олаште 11 ий наре пашам ыштыше тыгай комплексыште шӱкшак гыч  кагазым, картоным, текстильым, пластикым, яндам да кӱртньым посна ойырат. А шӱкшакым утилизироватлыме але йӱлалтыме нерген мутат уке. Ойырен налме чыла фрацийым кокымшо гана обработкыш колтат. Российыште шӱкшакым йӱлалтыме ик заводат уке. А лиеш ыле гын, тидым «тӱньыкыш лектын кайыше окса» дене гына таҥастарыман. Эшежым экологийлан пеш кугу эҥгек ышталтеш ыле. Марий Элланат таче лачшымак шӱкшакым сортироватлыме комплекс-влак кӱлыт.

С.Носова.

Опубликовать в Одноклассники

Добавить комментарий