СОЦИАЛ ИЛЫШ

…Ынде колышташат лиеш

Пенсий фонд палдара

…Ынде колышташат лиеш

Россий Пенсий фондын сайтыштыште йӱкан ассистент пашам ышташ тӱҥалын. Ынде фондын темлыме материалже-влакым лудаш веле огыл, колышташат лиеш. Тидыже начарын ужшо-влаклан поснак каньыле.

Йӱкан ассистентым начарын ужшо-влаклан версийыш вераҥдыме. Тыште контрастат, текстын кугытшат, лаштыкын фонжат моло версий деч ойыртемалтыт. Сайтысе текстым колышташ манын, лаштыкын кӱшыл ужашыштыже верланыше «Начарын ужшо-влаклан» менюм почман, кӱлшӧ фрагментым ойырыман да «чӱкташ» («воспроизвести») кнопкым темдалман. Ассистент йӱкан текстым чарен шогалтен да угыч лудын кертеш.

Палемден кодыман, южо случайыште компьютерыш шындыме браузер (интернет-обозреватель) але антивирус йӱкан ассистентын пашажым блокироватлен сеҥа. Тыге ынже лий манын, браузер ден антивирусым чын келыштарыман, мутлан, Пенсий фондын сайтшылан лекше окнан блокировкыжым йӧртыман.

Шке сайтыште йӱкан ассистент сервисым вераҥдыме дене Пенсий фонд Российыште икымше кугыжаныш тӧнежлан шотлалтеш.

М.ИВАНОВА. 

Опубликовать в Одноклассники

Добавить комментарий