СОЦИАЛ ИЛЫШ

Лу тӱжем утла ӱдыр-рвезе канен

22 июньышто каныме да тазалыкым пеҥгыдемдыме 151 лагерьыште икымше смене пытен. Тушто 10256 ӱдыр-рвезе канен: ола деч ӧрдыжсӧ лагерьыште – 1102, кечывалым лийме лагерьыште – 9014 да палаткыште илыме лагерьыште – 140. Моло организацийыште икымше смене изиш варарак мучашлалтеш.

Тений май гыч 22 июнь марте Шем да Азовский теҥызлаште, «Орлёнок» ден «Смена» всероссийский йоча рӱдерлаште, республик гыч 65 йоча канен.

22 июньлан шинчымашым пуымо да тазалыкым пеҥгыдемдыме организацийлашке кочкыш сырьё ден продуктым кондыштарыше 24 юридический лица ден амалкалчым мучаш марте тергыме да кажне тӧнежыште санитарный законодательствым пудыртымым рашемдыме. Титакан-шамыч шотышто 37 делам тарватыме, 321,1 тӱжем теҥге кугыт штрафым пуымо.

Каныме да тазалыкым пеҥгыдемдыме 201 тӧнежымат тергыме, административный правам пудыртымылан 172 делам тарватыме, 358,4 тӱжем теҥге штрафым пуымо. Тидын нерген Роспотребнадзорын Марий Элысе виктемже увертара.

М.ИВАНОВА.

Опубликовать в Одноклассники

Добавить комментарий