Республикнан 100 ияш лӱмгечыжлан пӧлеклалтше пайрем концерт Моско Кремльыште 25 июньышто лиеш!
А кызыт республикысе профессионал коллектив-влак тудлан кыртмен ямдылалтыт. Артист-влак муро, куштымаш, семӱзгарым шоктен моштымо мастарлыкышт гоч калыкнан йӱла, тӱвыра ойыртемжым ончыкташ тӱҥалыт.
Пайрем концертыште Э.Сапаев лӱмеш опер да балет академический театрын, «Марий Эл» кугыжаныш куштышо ансамбльын, «Марий кундем» калык семӱзгар оркестрын… артистше-влак кумылым нӧлтат.
Икманаш, «Марий кундем – Российын ямже» концертыште – марий калыкнан историйже, вияҥ толмо корныжо, илышыже, чонжо.
А.Байкова
