24 май – Российыште меланомым диагностироватлыме кече. Тиде кече вашеш Йошкар-Олаште 18 гыч 21 май марте «Кава йымалсе дерматоскопий» акций эртаралтеш.
Республикысе курчак театр ваштареш площадкыште 8 шагат гыч 12 шагат марте мобильный пункт пашам ышташ тӱҥалеш, увертара республикын Аралтыш министерствыжын пресс-службыжо. Специалист-влак дерматоскоп полшымо дене коваштын вашталтмыжым тергат, тиде аппарат дене коваште рак черын шарлымыжым пален налаш лиеш.
Пелен паспорт, полис да СНИЛС лийшаш улыт.
Л.СЕМЕНОВА