МАРИЙ ТӰНЯ ЯЛОЗАНЛЫК

Ялозанлык верч пеҥгыдын шогышылан – чап лӱм

Шернур районысо «Земледелец» ялозанлык артель» ялозанлык производство кооперативын председательже Светлана Сергеевна Клепикова Юмын пӱрымӧ сомылжым ий гыч ийыш моштен шукта. Шочмо кундемым, калыкым йӧратыме кумылжо дене молымат мланде пашалан шӱмаҥда веле огыл, сай лектышыш шуаш полша. Лачак тудын гай вуйлатыше-влаклан кӧра мландына курал-ӱдалтеш, калыклан паша вер лектеш, ял илыш ылыжеш.

А таче Светлана Сергеевнам саламлаш, тудын пеҥгыдылыкшылан, чон пыштен пашам ыштымыжлан таум ойлаш эше ик сай амал. Россий президент В.Путинын 2021 ий 29 мартысе Указше дене келшышын, С.Клепиковалан ялозанлыкыште кугу надыржылан да ятыр ий пашам тыршен ыштымыжлан «Россий Федераций ялозанлыкын сулло пашаеҥже» чап лӱмым пуымо.

Марий ӱдырамашым ме уло кумылын ты кӱкшӧ лӱм дене саламлена да пеҥгыде тазалыкым, кужу ӱмырым, волгыдо илышым тыланена.

С.Пехметова.

Авторын фотожо.

Опубликовать в Одноклассники

Добавить комментарий