КАЛАСЕ, "МАРИЙ ЭЛ"

Йодышыжо ынде ончалтде кодеш мо?

Россий Президент Владимир Путинын вияш линийышкыже Килемар районысо Визымйӓр посёлкышто верланыше эмлымверын пашаеҥже Марина Смирнова серышым колтен. Тудо 19 илыме вер гыч илалше да черле еҥ-влакым ончымо (сестринский уход) отделенийым  50 км утла коклашке кусараш палемдыме шотышто вуйым шийын да тудым Визымйӓр эмлымверыштак арален кодаш йодын. Чаманен палемдыман, серыш вияш линийыште ыш йоҥгалт, да тудо ынде решатлалтде кодеш мо?

Н.Алексеев.

Морко район.

 

М.Смирнован серышыжым Общероссийский калык фронтын Марий Элысе отделенийже шке контрольышкыжо налын да эмлымверын тиде отделенийжым вес верыш кусараш палемдыме амалым Марий Элын Тазалыкым аралыме министерствыж деч умылтараш йодын.

– Визымйӓр кундемысе калыкын обращенийже вияш эфирыште ыш йоҥгалт гынат, тудо тӱткыш деч посна ок код,– манеш ОНФ-ын региональный штабшын сопредседетальже Руслан Гизатуллин. – Активистна-влак регионышто тазалыкым аралыме тӧнеж-влакым оптимизироватлыме шотышто калык дене каҥашаш кӱлмым республикым вуйлатышылан темленыт.  

Лишыл жапыште ОНФ-ын экспертше-шамыч ситуацийым рашемдаш верышке лектыт.

М.ИВАНОВА.

Опубликовать в Одноклассники

Добавить комментарий