Марий Эл гыч фигуристке Дарья Садкова всероссийский таҥасымаште икымше верыш лектын.
Турнир 12-13 апрельыште фигурный мунчалтымаш дене Москва федераций президентшын призше верч эртаралтын.
Марий Элын физический культур, спорт да туризм министерствын увертарымыж почеш, Дарья республикын чапшым арален, 14 соперницыжым ончылтен спорт мастерыш кандидат норматив коклаште ӱшанлын ончыко лектын. Кӱчык, тыгак произвольный программыште 192,42 баллым налын.
Е.ЭШКИНИНА
