10 апрель гыч 10 июнь марте Чебоксар водохранилищыш, 25 апрель гыч 5 июнь марте Куйбышев водохранилищыш пурышо вӱд кумдыклаште кол ден ракым кучаш чарыме.
Тыгай чаракше кажне ийын колын мӧртьным кышкыме пагытлан пурталтеш. Но колызо-влак ты пагытыште сер гыч ик чичкан але кок руалтышан эҥыр дене эҥырен кертыт.
Тыгак Марий Элын Пӱртус поянлык, экологий да йырым-йырысе средам аралыме министерствыжын специалистше-влак колын мӧртьным кышкыме вер-влакым рашемденыт да тушто колым йӧршеш кучаш чареныт. Ты картше дене министерствын сайтыштыжак палыме лияш йӧн уло.
Суткаште шийгол моло коллым 5 килограмм деч утла кучаш ок лий. А колжо вич кило нелытан гын, ик колым гына эныраш лиеш.
Министерствын специалистше-влак шижтарат: закондымын колым кучымылан штраф 2018 ийыште кугемын. Мутлан ик стерлядлан эн кугу таксым — 4572 теҥгем — тӱлыктат гын, эн изим – раклан – 115 теҥгем.
С.Носова