Нижний Новгородышо Юл кундем федеральный округысо онколог-шамычын Регион-влак кокласе клинико-экономический совещанийышт эртен.
Марий Эл гыч тушто Республиканский онкологический диспансерын 3-шо хирургический отделенийжым вуйлатыше, регионын штат деч ӧрдыжсӧ тӱҥ онкологшо А.Желаева ден диспансерын тӱҥ врачшым организаций да методике паша шотышто алмаштыше М.Охотников лийыныт.
Совещанийыште ОМС-ын верласе фондшо, регионласе тазалыкым аралыме министерстве-влакын еҥышт, Юл кундем федеральный округысо онкологический диспансер-влакын тӱҥ врачыштым эмлыме да экономике паша дене алмаштыше, тӱҥ клинический фармаколог-влак участвоватленыт.
Погынышо-шамыч округысо онкологический полышым финансироватлыме, медицине полышым пуымо качествын контрольжо ден качествыже, онкочерле-влаклан эмым ситарыме, пациент-шамычын маршрутизацийышт дене кылдалтше йодышлам лончыленыт.
Онколог-влак тазалыкым аралыме аланыште россий законодательствын таче кечылан ик эн пӱсын шогышо йодышлажланат тӱткышым ойыреныт.
М.ИВАНОВ
