нацпроект

Оласе йырвелын могай улмыжым ончыкта

Ола йырвелын качествыжын индексше – тиде оласе средан могай улмыжым ончыктышо показатель, тудо балл дене шотлалтеш. Кажне ола 360 баллым поген кертеш (36 индикатор уло, кажныже 1 гыч 10 балл дене аклалтеш). Ола 180 баллым пога гын, тугеже оласе йырвел пешыжак сай огыл, отметке 181 балл деч шукырак гын – ола чыла шотыштат йӧнан.

Марий Эл 181 балл деч шукырак индексан 23 регион коклашке логалын. Тидыже 2020 ийыште оласе йырвелын качествыже федерал проектын палемдымыж деч ятырлан саемме нерген ойла. Республикын ик олаже – Козьмодемьянск –сай качестван олалан шотлалтын.

Индексын ик критерийже – олам вияҥдыме йодыш-влак шотышто пунчалым лукмашке граждан-влакым ушымаш. Олаште илыше-влак гына каласен кертыт, йӧнан илышым ышташ мо эн кӱлешан, нунын олаштышт да илыме пӧртышт воктене мо лийшаш да мо ышталтшаш. Сандене граждан-влакын темлымашыштым иквереш чумыраш 2021 ийыште общефедеральный рейтинг платформым ыштыме. 26 апрель гыч 30 май марте 12.gorodsreda.ru. платформышто йӱклымаш эртаралтеш. Сайтышке Йошкар-Ола, Волжск да Козьмодемьянск олаласе тӱзатышаш объект-влак пурталтыт. Эн шуко йӱкым погышо территорий-влакым 2022 ийыште саемдаш тӱҥалыт.

Л.СЕМЕНОВА

 

 

Опубликовать в Одноклассники

Добавить комментарий