10 апрельыште «Чарла Кремль» тӱвыра да историй комплексыште «Юл кундемыште оҥай каныш кече-влак» ялозанлык ярмиҥга лиеш.
Ярмиҥга Самара–Йошкар-Ола икымше турист поезд толмылан пӧлеклалтеш. Тушко республикысе агропромышленный комплексын, кресаньык (фермер) да личный подсобный озанлык предприятий-влак шке сатуштым темлаш тӱналыт. Марий тӱвыра рӱдер «Шошо ярмиҥга пайрем» программым ямдыла, ятыр творческий коллектив, марий эстраде мурызо-влак толшо-влакым куандараш тӱҥалыт. Ярмиҥга 10 шагатлан тӱҥалеш да 17 шагат марте шуйна. Вес ярмиҥга 17 апрельыште чумырга.
Л. СЕМЕНОВА
