Энергетике

Пайдалын да оҥайын

 

Чолган каныме клубын Йошкар-Ола воктенысе «Солдат Удачи» базыж негызеш спортын теле видше дене турнир лийын. Тудым «Всероссийский электропрофсоюз» мер ушемын регионысо представительствыже ден «Рӱдӧ да Юл кундем Россеть Мариэнерго» филиалын первичный профсоюз организацийже эртареныт.

Тушто «Мариэнергон», «Марий Эл ТНС Энергон», «Т плюс» ПАО-н «Марий Эл да Чуваший» филиалжын профсоюз организацийыштын куд командышт таҥасеныт. Нуно тыглай да шкешотан ече эстафетылаште, команде дене таҥасымаште вийыштым тергеныт, тыгак «Походысо кочкыш» конкурсышто мастарлыкыштым ончыктеныт.

Спорт таҥасымашлаште кымше верым «Мариэнерго» филиалын Йошкар-Оласе цехкомжо налын, кокымшым – «Марий Эл ТНС Энергон» энергосбыт организацийже, кумшым – «Мариэнергон» Шернур цехкомжо. А походысо кочкышым ыштымаште «Мариэнергон» Йошкар-Оласе цехкомжын «шеф-поварже», энергийым шеледен колтышо сетьым обслуживатлыше электромонтёр Роман Миронов ойыртемалтын. Тудо тыгай таҥасымаште ик гана веле огыл сеҥен – ик ий ончыч Шочмо элнам аралышын кечыжлан пӧлеклалтше турнирыште эн сай повар лийын.

Чыла команде шарнымашан сувенирым налын, а сеҥыше-влак профсоюз деч грамот да пӧлек дене палемдалтыныт.

Ю.ИСАКОВ

Опубликовать в Одноклассники

Добавить комментарий