Козьмодемьянскысе «Дарование» школ-интернатыште школышто тунемше-шамычлан «Наукыш ошкыл» VIII межрегиональный шанче-практике конференций лийын.
Тушко Йошкар-Ола, Волжск, Козьмодемьянск олала, тыгак Курыкмарий, Марий Турек, Звенигово, Медведево районла, Нижегородский область да Чуваш республик (Чебоксар ола) гыч 1-11-ше класслаште шинчымашым погышо 78 участник ушнен. Нунылан физико-математический, филологий, гуманитарный, экологий, химий, биологий, психологий, искусство, культур, художественный, технический направленийла дене секций-влак пашам ыштеныт. Йоча-шамыч шымлыме пашашт дене палдареныт, шонымашыштым ойленыт.
