МАРИЙ ЙӰЛА МЕР ИЛЫШ МЕР КАҤАШ

Мер Каҥашыште: Вашкылым пеҥгыдемдыше вашлиймаш

Мер пашам виктарыше-влак икте-весе дене кылым вияҥдаш, ыштышаш паша планым радамлаш тӱрлӧ йӧным кычалыт.

Теве У Торъял ден Шернур районласе Мер Каҥашын еҥже-влак Евгений Небогатиков (муниципальный образованийым вуйлатыше) ден Ирина Кошкина (районысо рӱдӧ лудмыверым вуйлатыше) шке активышт дене Кукнур кундемыште верланыше марий Йӱштӧ Кугызан илемыштыже марий кечышот почеш 22 мартыште палемдыме Имне идалык пурымо вашеш вашлияш кутырен келшеныт.

Тыге эртыше шуматкечын кечывал деч ончыч Кукнур тӱвыра да каныме рӱдерыште кок районысо актив икте-весыштым шуктен шогымо пашашт, планышт дене палдараш чумыргеныт. Марий Оньыжа Э.Александров, икымше оналмаш В.Мочаев ты мероприятийыш кумылын ушненыт. Онаеҥ-влак В.Березин ден В.Блинов  поро тӱҥалтышлан поро лектышым тыланен, сугыньым пуэныт. Вашлиймашым Шернур район

ышто Мер Каҥашын еҥже Ирина Григорьевна Кошкина вӱден, тудак районышто ышталтше марий мер паша дене палдарен. Кукнур ял шотан илемым вуйлатыше Л.Алмаматова ден администраци

йым вуйлатыше Л.Долгушев пошкудо-влакым шокшын саламленыт.  А У Торъял районысо ма

рий активын пашаж нерген Евгений Викторович Небогатиков каласкален. Тудо ты сомылым ятыр ий шукта, сандене шуко шотышто темлымашыже, пашам ыштыме йӧнжӧ, ой-каҥашыже пайдале лийын.

В.Мочаев 2021 ийыште ик эн кугу мероприятий семын Кугыжаныш Думыш депутатым сайлымашым да Всероссийский калык переписьым палемдыш. Депутатлан кандидат семын лекташ праймеризыш республикыштына эн ончыч Оньыжа Э.Александров ушнен манын палемдыш. Эдуард Васильевич шке велымже ты кампанийыште ик ой дене пашам ышташ ӱжӧ. Тыгак Мер Каҥашын комиссийже-влакын, лишыл жапыште ыштышаш пашашт нерген каласкалыш.

 

А кузе муро сий деч посна? Оза-влак велым верысе тӱвыра да каныме рӱдерын «Пеледыш» ден книгагудо пеленысе «Чон кумыл» ансамбль-влакын ӱдырышт куандарышт. У Торъял кундем гыч мурызо-влак Дмитрий Афанасьев, Лиана Смирнова да Надежда Сидоркина сай пӧлекым ыштышт.

Уна-влак марий Йӱштӧ Кугыза проект нергенат кумданрак пален налаш кумылаҥыныт. Тидын нерген Кукнур тӱвыра да каныме рӱдер вуйлатыше А.Конаков ден коктын умылтарышна. А варажым чылан пырля Йӱштӧ Кугызан «Йомак корныж» дене эртышна. Кечывал кочкышлан ӱстембалне Шернур Мер Каҥашын чолга еҥже-влакы

н кондымо тичмаш кинде-шинчалыштым, онаеҥ В.Березинын пелештмыж деч вара, радамын авызлышна. Делегаций-шамыч икте-весе дене лишкырак палыме лийыч. А нунын коклаште образований, культур, ялозанлык да мер пашаеҥ-шамыч, тӱҥ шотышто эртыше Марий калык погынын делегатше-влак, улыт ыле. Лемде эҥер дене ушалтше кок районысо мер актив икте-весе кылым умбакыже вияҥдат.  «Саскавий» марий ӱдырамаш ушемын «Немда эҥерлан вуйым савымаш» проектшылан кӧра У Торъял район гыч делегацийын Кукнур кундемыш толын кайымыж деч вара икмыняр ий эртен. Ты поро йӱла умбакыже шуйна – Агавайремлан нуно шернур-шамычым шкешт дене унала ӱжыч.

С.Пехметова.

Снимкылаште:
Авторын фотожо.

Опубликовать в Одноклассники

Добавить комментарий