21-ше гыч 24-ше сентябрь марте Казаньыште Kazan Digital Week -2021 тӱнямбал форум лиеш.
Тудым офлайн да онлайн формат дене «Казань Экспо» тӱнямбал выставке рӱдерыште эртараш палемдалтеш.
Форум цифровой интеллектуал технологийым ыштыше, нунын негызеш ыштыме системе, сервис да услуго дене пайдаланыше-влаклан виктаралтеш.
Форумын тӱҥ направленийже-влак тыгай лийыт:
«Интеллектуальные транспортные системы», «Ситуационные центры», «Цифровая индустрия 4.0», «Экосистема финтех», «Кибербезопасность», «Инновации, интегрированные в бизнес», «Цифровые технологии в сфере образования», «Цифровые технологии в сфере культуры», «Цифровые технологии в сфере здравоохранения».
Форумын участникше-влак деч статьям 1 май марте налыт. Тыгодым тематический направлений-влак дене келшен толмыштым пеҥгыдын тергаш тӱҥалыт. Нуным тыгай электрон адресыш колтыман: org@kazandigitalweek.ru
Икымше гана форум ӱмаште эртен. Тунам 4 кече жапыште тушко 64 эл гыч 10 тӱжем утла участник ушнен, 37 секций пашам ыштен. Онлайн-выставкыште 111 экспонат ончыкталтын.
Эртышаш форум, тушко кузе ушнаш лийме нерген +7-987-211-26-95 телефон номер дене пален налаш лиеш.
Л.КАМАЛЕТДИНОВА
