Пошкырт кундемысе Калтаса район Краснохолмский селаште шочын-кушшо марий ӱдыр Валентина Петраева Австрийысе Ан дер Вин опер театрыште мура.
Изинек мураш йӧратыше удыр шке жапыштыже 3 №-ан Краснохолмский школышто тунемын. Тусо «Шонанпыл» йоча усталык пӧртын да музыкальный школын выпускницыже кодшо ийын Австрийыш илаш куснен. Перьмыште музыкальный колледжым класический академический образований направлений дене тунем лектын. ГИТИС-ын театральный искусство институтыштыжо шинчымашыжым нӧлтен.
ГИТИС деч вара шкенан элысе театрлаште паша верым муын огылат, Европысо тыгай учрежденийлаш йодмашым возен. Ӱжмашым налмеке, Венысе театрыште тудым колыштыныт да вигак пашаш налыныт. Тудлан тӱн роль-влакым ӱшанат. Санденжат ӱдырлан йот йылме -влакым тунемашыже логалеш.
С.Носова
Снимкыште: Валентина Петраева.
