Волжский районысо Кӱсола ялыште верланыше книгагудышто «Пушкинын шӧртньӧ йомакше-влак» теме дене «Юзо пасу» модыш эртен.
Тиде мероприятийыште Мамасево школ пеленсе «Весела каникул» лагерьыш коштшо йоча-влак участвоватленыт. Икшыве-шамыч кумдан чапланыше руш поэт А.Пушкинын йомакше-влак гыч тӱрлӧ мутым пален налаш тыршеныт. Пӧрдшӧ барабанын умдыжо тӱҥ шотышто «приз», «шанс», «ноль», «плюс» секторлашке шогалын. Модыш кум тур дене эртен. Финалыш О.Морозов, Д.Никитин да П.Ельтемерова лектыныт. «Юзо пасу» модышын сеҥышыже О.Морозов лийын.
М.ИВАНОВА.
