МАРИЙ ТӰНЯ

«Объективыште – калык пайрем»

Теве тыгай фотоконкурсым республикысе Марий тӱвыра рӱдер увертарен.

Тушко ушнаш шонышо-влак йодмашым 11 март марте  mari-centr_konkurs@mail.ru электрон почтыш колтышаш улыт. Конкурсыш профессионал огыл фотограф-шамычат шке пашаштым колтен кертыт. Кажныж деч ик фотом гына налыт. Ончыктымо пайрем нерген аннотаций кӱчык да раш лийшаш. Фотографий шотыштат йодмаш уло: файл JPEG форматан, кужу велже дене 1900 пиксельыш шушаш, разрешенийже – 150 dpi гыч. Фотосӱрет рамкыште лийшаш огыл.

Конкурс Российысе тӱвыра пашаеҥ-влакын кечышт вашеш иктешлалтеш. А сеҥыше-влакын спискыштым Марий тӱвыра рӱдерын сайтыштыже савыктат.

С.Носова

Снимкыште: Озаҥ оласе марий-влак.

Фотом ВКонтакте соцкылысе лаштык гыч налме.  

Опубликовать в Одноклассники

Добавить комментарий